Enski boltinn

Gylfi Þór jafnaði við Heiðar Helguson

Tómas Þór Þórðarson skrifar
Gylfi Þór fagnar markinu á The Hawthorns.
Gylfi Þór fagnar markinu á The Hawthorns. vísir/getty

Gylfi Þór Sigurðsson er nú jafn í öðru til þriðja sæti yfir markahæstu Íslendingana í ensku úrvalsdeildinni í fótbolta frá upphafi.

Gylfi Þór skoraði mark sinna manna í Swansea á þriðjudagskvöldið þegar þeir gerðu svekkjandi 1-1 jafntefli við West Bromwich Albion á útivelli, en WBA jafnaði metin í uppbótartíma.

Markið var það 20. sem hann skorar fyrir Swansea, en í heildina er Gylfi Þór búinn að skora 28 mörk í ensku úrvalsdeildinni.

Heiðar Helguson, fyrrverandi landsliðsframherji íslands, skoraði einnig 28 mörk í ensku úrvalsdeildinni á tólf ára tímabili fyrir Watford, Fulham, Bolton og QPR, en þeir deila öðru sætinu á eftir Eiði Smára Guðjohnsen.

Eiður Smári er langmarkahæstur Íslendinga í ensku úrvalsdeildinni, en hann skoraði 54 mörk fyrir Chelsea og eitt fyrir Tottenham þegar hann sneri aftur til Englands á láni.

Sjáðu markið hans Gylfa Þórs á móti WBA:

Tengdar fréttir

Gylfi Þór valinn maður leiksins

Íslenski landsliðsmaðurinn var bestur í liði Swansea á móti West Bromwich Albion í ensku úrvalsdeildinni í gærkvöldi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira