Fótbolti

Strákarnir falla um tvö sæti

Eiríkur Stefán Ásgeirsson skrifar
Jóhann Berg Guðmundsson fagnar sigrinum á Hollandi ytra í síðustu undankeppni.
Jóhann Berg Guðmundsson fagnar sigrinum á Hollandi ytra í síðustu undankeppni. Vísir/Getty

Ísland er í 38. sæti á nýjum styrkleikalista Alþjóðaknattspyrnusambandsins, FIFA, sem gefinn var út í morgun.

Ísland hefur spilað þrjá leiki síðan síðasti listi var gefinn út. Strákarnir unnu Finna, 1-0, en töpuðu fyrir Sameinuðu arabísku furstadæmunum og Bandaríkjunum.

Liðið tapaði þó 37 stigum á milli lista en þess má geta að liðið komst hæst í 23. sæti listans í fyrra.

Ungverjaland, sem er með Íslandi í riðli á EM í Frakklandi, fór upp í nítjánda sæti sem er besti árangur liðsins frá upphafi. Austurríki (10. sæti) og Portúgal (7. sæti) eru einnig með Íslandi í riðli og standa í stað.

Staða efstu liða er óbreytt. Belgía er í efsta sæti, á undan Argentínu, Spáni, Þýskalandi, Síle og Brasilíu. England er svo í níunda sæti, Holland í fjórtánda og Ítalía í fimmtánda.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira