Innlent

Vaka sigraði í kosningum til Stúdentaráðs

Tryggvi Páll Tryggvason skrifar
Vaka, félag lýðræðissinnaðra stúdenta, bar sigurorð af Röskvu, samtökum félagshyggjusinnaðra stúdenta, í kosningum til stúdentaráðs Háskóla Íslands í ár
Vaka, félag lýðræðissinnaðra stúdenta, bar sigurorð af Röskvu, samtökum félagshyggjusinnaðra stúdenta, í kosningum til stúdentaráðs Háskóla Íslands í ár

Vaka, félag lýðræðissinnaðra stúdenta, bar sigurorð af Röskvu, samtökum félagshyggjusinnaðra stúdenta, í kosningum til stúdentaráðs Háskóla Íslands í ár sem fram fóru í dag og í gær. 

Eftir að niðurstöður voru tilkynntar kom í ljós að Vaka hafði hlotið 17 sæti en Röskva 10 sæti. 27 fulltrúar skipa Stúdentaráð en stúdentaráðsfulltrúar sitja einnig í svokölluðum sviðsráðum stúdenta við HÍ. Í raun er kosið í sviðsráðin á hverju sviði fyrir sig og þeir fulltrúar sem ná kjöri í sviðsráðin mynda svo Stúdentaráð.

Einn nemandi, Gierde Razgute, bauð sig fram sem einstakling en hún hlaut ekki kosningu.

14.031 voru á kjör­skrá og var kjörsókn 41,57%. Alls voru greidd 5.832 atkvæði.

Vaka heldur því meirihluta sínum í Stúdentaráði en í kosningum til Stúdentaráðs á síðasta ári hlaut Vaka einnig 17 sæti og Röskva 10.

Úrslitin á sviðunum fimm var sem hér segir:

Félagsvísindasvið - Kjörsókn 40%
Röskva 2 sæti af 7
Vaka 5 sæti af 7

Heilbrigðisvísindasvið - Kjörsókn 52,5%
Röskva 2 sæti af 5
Vaka 3 sæti af 5

Hugvísindasvið - Kjörsókn 35%
Röskva 3 sæti af 5
Vaka 2 sæti af 5

Menntavísindasvið - Kjörsókn 34%
Röskva 1 sæti af 5
Vaka 4 sæti af 5

Verk- og náttúruvísindasvið - Kjórsókn 52%
Röskva 2 sæti af 5
Vaka 3 sæti af 5



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira