Innlent

Óvissustigi aflétt á sunnanverðum Vestfjörðum

Stefán Ó. Jónsson skrifar
Nokkur snjóflóð hafa fallið í veðrinu sem gengið hefur yfir landið að undanförnu.
Nokkur snjóflóð hafa fallið í veðrinu sem gengið hefur yfir landið að undanförnu. vísir/vilhelm

Veðurstofa Íslands hefur ákveðið að aflétta óvissustigi vegna snjóflóðahættu á sunnanverðum Vestfjörðum.

Ferðafólk til fjalla ætti að fara varlega og gera ráð fyrir því að snjórinn verði óstöðugur eitthvað áfram.

Á vef veðurstofunnar segir að í óvissustigi felist aukinn viðbúnaður snjóflóðavaktar Veðurstofunnar og snjóathugunarmanna ásamt samráði við lögreglu og almannavarnir í héraði vegna snjóflóðahættu sem upp kann að koma í byggð. Óvissustig felur ekki í sér yfirvofandi snjóflóðahættu í byggðinni heldur einungis að hætta geti skapast. 

Veðurstofan ákvað í gærkvöldi að aflétta óvissustigi vegna snjóflóðahættu á norðanverðum Vestfjörðum og hættustigi á Patreksfirði og tók þá óvissustig við.

Mikið hefur snjóað til fjalla víða um land í austan og norðaustan stormi undanfarna daga. Veður er nú gengið niður víðast hvar. Vitað er um þó nokkur snjóflóð sem féllu í veðrinu í flestum landshlutum.

Veðurstofa Íslands hefur ákveðið að aflétta óvissutigi vegna snjóflóðahættu á sunnanverðum Vestfjörðum.Ferðafólk til...

Posted by Almannavarnadeild ríkislögreglustjóra on Saturday, 6 February 2016


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira