Innlent

Fjölmargir ökumenn undir áhrifum í nótt

Stefán Ó. Jónsson skrifar
vísir/vilhelm

Lögreglan þurfti að hafa sig alla við að sinna þeim fjöldamörgu tilkynningum sem henni bárust í nótt, ekki síst vegna einkennilegs ökulags fjöldamargra bílstjóra í höfuðborginni.

Fram kemur í dagbók lögreglunnar að ekki færri en sex ökumenn hafi verið teknir úr umferð í nótt grunaðir um akstur undir áhrifum áfengis eða annarra vímugjafa. Þá var lögreglunni einnig tilkynnt um tvö umferðaróhöpp. Annað þeirra átti sér stað á gatnamótum Álfheima og Suðurlandsbraut á tólfta tímanum í gærkvöldi. Þar skullu saman tvær bifreiðar og voru þrír fluttir á slysadeild vegna þessa.

Þá var einn dópaður ökumaður valdur að slíku umferðaróhappi á fjórða tímanum í nótt. Hann var handtekinn á gatnamótum Miklubrautar og Kringlumýrar og er gert ráð fyrir því að hann verði yfirheyrður í dag þegar búið er að renna af honum.

Laust fyrir klukkan fimm í morgun þurfti lögreglan að hafa afskipti af konu sem lá sofandi utandyra við skemmtistað í miðbænum. Að sögn lögreglunnar var ekki unnt að koma konunni til síns heima og því hafi hún verið vistuð í fangageymslu. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira