Handbolti

Arnór orðaður við Álaborg

Ingvi Þór Sæmundsson skrifar
Arnór í landsleik gegn Portúgal.
Arnór í landsleik gegn Portúgal. vísir/anton

Landsliðsmaðurinn Arnór Atlason gæti verið á leið til danska liðsins Aalborg frá Saint-Raphael í Frakklandi.

Samkvæmt Twitter-síðunni Håndboldtransfer er Arnór í sigtinu hjá Aalborg sem er í 7. sæti dönsku úrvalsdeildarinnar.

Í samtali við Vísi vildi Arnór ekki staðfesta þennan orðróm en hann sagðist vera í viðræðum við nokkur lið.

Arnór þekkir vel til í Danmörku en hann lék þar á árunum 2006-12, með FCK Håndbold og sem varð síðan að ofurliði AG Köbenhavn.

Arnór hefur verið í herbúðum Saint-Raphael frá árinu 2013. Liðinu hefur gengið vel í vetur og situr nú í 2. sæti frönsku úrvalsdeildarinnar með 20 stig, fjórum stigum á eftir toppliði Paris Saint-Germain.

Norska ungstirnið Sander Sagosen er væntanlega á förum frá Aalborg og er Arnóri þá væntanlega ætlað að fylla hans skarð ef af félagskiptunum verður.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira