Erlent

13 látnir eftir snarpan jarðskjálfta

Tryggvi Páll Tryggvason skrifar
Björgunaraðilar leru nú að störfum og leita að fólki sem fast er í byggingum.
Björgunaraðilar leru nú að störfum og leita að fólki sem fast er í byggingum. Vísir/AFP

Minnst 13 eru látnir og 30 eru enn leitað í rústum 17-hæða íbúðabyggingar sem hrundi til jarðar eftir jarðskjálfta sem skók suðurhluta Taívan um klukkan átta í gærkvöldi.

Að minnsta kosti 500 eru slasaðir en jarðskjálftinn er talinn hafa verið af stærðinni 6,4. Um 200 manns var bjargað úr rústum 17-hæða byggingarinnar sem hrundi í kjölfar skjálftans. Að minnsta kosti sex létust þegar byggingin hrundi sem var ein margra sem hrundi til jarðar í borginni Tainan.

800 liðsmenn taívanska hersins hafa verið kallaðir út til að aðstoða björgunarmenn sem vinna nú að því að ná til fólks sem situr fast í rústum húsanna.

Að sögn forseta landsins, Ma Ying-jeuo verður allt kapp lagt á að koma fólki sem fast er í byggingum til bjargar en skýli hafa verið sett upp frá sem misstu heimili sín í jarðskjálftanum.

Líkt og sjá má á myndböndunum hér fyrir neðan er eyðileggingin talsverð í borginni Tainan.
 


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira