Sport

Aníta setti nýtt Íslandsmet á Stórmóti ÍR

Ingvi Þór Sæmundsson skrifar
Aníta setti nýtt Íslandsmet í dag.
Aníta setti nýtt Íslandsmet í dag. vísir/valli

ÍR-ingurinn Aníta Hinriksdóttir setti nýtt Íslandsmet í flokki 20-22 ára í 400 metra hlaupi innanhúss á 20. Stórmóti ÍR í Laugardalshöllinni í dag.

Aníta kom í mark á 54,21 sekúndu og bætti gamla metið sitt um 21/100. Arna Stefanía Guðmundsdóttir, FH, kom fast á hæla Anítu en hún kom í mark á 54,41 sekúndu. Hin stórefnilega Þórdís Eva Steinsdóttir, einnig úr FH, endaði í 3. sæti á tímanum 54,81 sekúndu.

Helga Þóra Sigurjónsdóttir úr Fjölni setti nýtt mótsmet í hástökki er hún fór yfir 1,68 metra.

FH-ingurinn Kolbeinn Höður Gunnarsson setti einnig nýtt mótsmet í 60 metra hlaupi þegar hann kom í mark á 6,98 sekúndum.

Öll úrslit frá fyrri degi Stórmóts ÍR má finna með því að smella hér.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira