Enski boltinn

Cruyff: Ég vildi að Pep færi til United frekar en City

Tómas Þór Þórðarson skrifar
vísir/getty

Hollenski fótboltasnillingurinn Johan Cruyff vildi frekar að Pep Guardiola hefði valið að fara til Manchester United frekar en Manchester City.

Manchester City tilkynnti á dögunum að Guardiola væri búinn að skrifa undir þriggja ára samning við félagið og tekur hann við starfinu af Manuel Pellegrini í sumar.

Manchester United og Chelsea voru einnig í baráttunni um Guardiola sem bjó til eitt besta félagslið sögunnar hjá Barcelona og stefnir nú hraðbyri að þriðja Þýskalandsmeistaratitlinum í röð.

Johan Cruyff þekkir vel til Guardiola, en hann þjálfaði Spánverjann á sínum tíma. Með Guardiola í liðinu stýrði Cruyff Barcelona til sigurs í spænsku 1. deildinni fjórum sinnum og þá vann liðið Evrópukeppni Meistaraliða 1992.

„Ég vildi að Pep færi til United. Það hefur meiri hefð en City,“ segir Cruyff í viðtali við Esports Cope.

„Þetta er samt góður tími til að starfa hjá City. Það er með góða aðstöðu, á fullt af peningum og mun búa til gott lið,“ segir Cruyff.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira