Golf

Margir kylfingar í toppbaráttunni fyrir lokahringinn á Torrey Pines

Jimmy Walker er í toppbaráttunni fyrir lokahringinn.
Jimmy Walker er í toppbaráttunni fyrir lokahringinn. Getty

Það er mjög erfitt að giska á sigurvegara fyrir lokahringinn á Farmers Insurance mótinu sem fram fer á Torrey Pines en 26 kylfingar eru á innan við fimm höggum frá efsta sætinu.

Suður-Kóreumaðurinn K.J. Choi og Bandaríkjamaðurinn Scott Brown leiða á níu höggum undir pari en Gary Woodland og Jimmy Walker koma þar á eftir á átta undir.

Aragrúi kylfinga kemur á sjö og og sex höggum undir pari og því ætti lokahringurinn að verða mjög spennandi þar sem margir eiga séns á titlinum og þeim 130 milljónum króna sem eru í verðlaunafé.

Tilþrif mótsins hingað til átti Bandaríkjamaðurinn Jason Gore en hann fékk ævinýralegan albatross á 18. holu þar sem hann setti niður 230 metra innáhögg.

Lokahringurinn á Torrey Pines verður í beinni útsendingu á Golfstöðinni frá klukkan 18:00.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira