Körfubolti

Jón Arnór með sex stig í öruggum sigri

Jón Arnór í leik með íslenska landsliðinu síðasta sumar.
Jón Arnór í leik með íslenska landsliðinu síðasta sumar. Vísir/Valli

Jón Arnór Stefánsson og félagar í Valencia unnu átjánda leikinn í röð í ACB-deildinni í körfubolta á Spáni í dag en Valencia er með fjögurra stiga forskot á Barcelona á toppi deildarinnar.

Valencia sem vann frækinn sigur á Barcelona í framlengingu í síðustu umferð átti í engum vandræðum gegn Bilbao í dag en Valencia var með 16 stiga forskot að fyrsta leikhluta loknum.

Var leikurinn í raun búinn í hálfleik en ótrúlegur varnarleikur Valencia gerði það að verkum að Valencia leiddi í hálfleik 43-18.

Var sigurinn í raun aldrei í hættu í seinni hálfleik og lauk leiknum með 36 stiga sigri Valencia.

Jón Arnór lék í rúmlega 24 mínútur, flestar mínútur allra leikmanna í Valencia og skilaði sex stigum og einni stoðsendingu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira