Körfubolti

Durant og Westbrook öflugir í sigri

Eiríkur Stefán Ásgeirsson skrifar
Durant í baráttunni í nótt. Westbrook fylgist með.
Durant í baráttunni í nótt. Westbrook fylgist með. Vísir/Getty

Oklahoma City er á góðu skriði í NBA-deildinni í körfubolta en liðið hafði betur gegn Denver í nótt, 110-104.

Kevin Durant og Russell Westbrook voru frábærir í leiknum í nótt og báðir með tvöfalda tvennu. Durant var með 30 stig og tólf fráköst og Westbrook með 27 stig og tólf fráköst. Honum vantaði þó fimm fráköst upp á þrennuna.

Oklahoma City hefur nú unnið 20 af síðustu 24 leikjum sínum og er heilum tólf leikjum á undan Utah í sínum riðli. Danilo Gallinari skoraði 27 stig fyrir Denver.

Milwaukee vann Miami, 91-79, þar sem Khris Middleton skoraði 22 stig. Miami saknaði lykilmanna á borð við Goran Dragic og Beno Udrih og átti erfitt uppdráttar í sóknarleik sínum.

Dwayne Wade spilaði þrátt fyrir verk í öxl og náði aðeins að skora tvö stig á 21 mínútu í leiknum.

Úrslit næturinnar:
Miami - Milwaukee 79-91
New Orleans - Minnesota 114-99
Denver - Oklahoma City 104-110
Phoenix - Indiana 94-97

NBA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira