Innlent

Ný nefnd endurskoðar reglugerð um dagforeldra

Atli Ísleifsson skrifar
Guðríður Bolladóttir, sem starfar á skrifstofu félagsþjónustu í ráðuneytinu, er formaður nefndarinnar.
Guðríður Bolladóttir, sem starfar á skrifstofu félagsþjónustu í ráðuneytinu, er formaður nefndarinnar. Vísir/Getty

Eygló Harðardóttir, félags- og húsnæðismálaráðherra, hefur skipað nefnd sem ætlað er að endurskoða reglugerð um daggæslu barna í heimahúsum.

Nefndinni er meðal annars falið að skoða starfsskyldur og starfsskilyrði dagforeldra, skilyrði fyrir leyfisveitingu til dagforeldra og fyrir leyfissviptingu, framkvæmd og umfang eftirlits með starfsemi dagforeldra, menntun og símenntun þeirra og öryggi og velferð barna í daggæslu.

Í frétt á vef velferðarráðuneytisins er gert ráð fyrir að með nefndinni starfi samráðshópur með fulltrúum félaga dagforeldra, menntamálaráðuneytis, umboðsmanns barna og umhverfiseftirliti Reykjavíkurborgar sem sinnir eftirliti með húsnæði dagforeldra og aðbúnaði barna í daggæslu.

Guðríður Bolladóttir, sem starfar á skrifstofu félagsþjónustu í ráðuneytinu, er formaður nefndarinnar.

Samkvæmt upplýsingum Hagstofunnar er um 2.100 börn í daggæslu á hverjum tíma hjá tæplega fimm hundruð dagforeldrum.




Fleiri fréttir

Sjá meira