Handbolti

Degi komið á óvart í beinni útsendingu

Eiríkur Stefán Ásgeirsson skrifar
Mynd/Skjáskot

Gerhard Delling kom Degi Sigurðssyni á óvart í myndveri þýska sjónvarpsins eftir sigur Þýskalands á Svíþjóð á EM í Póllandi.

Delling er einn þekktasti sjónvarpsmaður Þýskalands og var með Dag í viðtali eftir eins marks sigurinn á Svíum þar sem úrslitin réðust á lokamínútunum.

Sjá einnig: Ísland í 13. sæti og í efri styrkleikaflokki þökk sé Degi og Rússum

Hann kom Degi á óvart með því að skipta yfir í beina útsendingu frá Reykjavík þar sem bróðir hans, Bjarki, beið hans.

„Hvernig fór leikurinn?“ spurði Bjarki og ekki stóð á svörunum. „Við unnum með einu, sterkt,“ svaraði Dagur á íslensku en innslagið má sjá hér. Því lauk vitanlega með því að Bjarki, sem er tónlistarmaður, tók lagið.

Sjá einnig: Sjáðu heimildaþáttinn um Dag

Þýskaland fylgdi svo sigrinum á Svíum eftir með því að leggja Slóvena að velli. Þjóðverjar komust því áfram í milliriðlakeppnina með tvö stig og mæta næst Ungverjum annað kvöld.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira