Fótbolti

Dómari bauð leikmanni á stefnumót í miðjum leik

Eiríkur Stefán Ásgeirsson skrifar
Vísir/Samsett mynd/Getty/Heimasíða Huelva

Knattspyrnudómarinn Santiago Quijada Alcon gerðist sekur um ótrúlegt dómgreindarleysi þegar hann dæmdi leik Sporting de Huelva og Santa Teresa á Spáni á dögunum.

Elena Pavel, leikmaður Huelva, greindi frá því eftir leik að dómarinn hafi boðið sér á stefnumót í miðjum leiknum.

„Hei brúnhærða. Eigum við að fá okkur kaffi?“ mun dómarinn hafa sagt samkvæmt lýsingu Pavel sem sagðist hafa misst trúna á íþróttinni.

„Mér fannst ég hjálparlaus og niðurlægð. Ég hef aldrei skammast mín jafn mikið á þeim árum sem ég hef spilað knattspyrnu.“

Þess má geta að dómari leiksins rak tvo leikmenn Huelva af velli með rautt spjald í leiknum. Santa Teresa vann að lokum, 3-2.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira