Golf

Áhugamaður stal senunni á fyrsta hring í Abu Dhabi

DeChambeau hafði ríka ástæðu til að brosa eftir fyrsta hring í dag.
DeChambeau hafði ríka ástæðu til að brosa eftir fyrsta hring í dag. Getty

Þrátt fyrir að augu flestra hafi verið á Jordan Spieth og Rory McIloy í dag á Abu Dhabi meistaramótinu stal ungur óþekktur áhugamaður senunni á fyrsta hring.

Bryson DeChambeau frá Bandaríkjunum fékk sjö fugla og örn á fyrsta hring sem hann lék á 64 höggum eða átta undir pari en hann leiðir mótið með einu höggi á Svían Henrik Stenson.

McIlroy og Spieth ollu þó engum vonbrigðum í hitanum í Abu Dhabi en þeir eru meðal efstu manna, McIlroy í þriðja sæti á sex undir pari og Spieth sjöunda sæti á fjórum undir.

Sigurvegari síðasta árs, Gary Stal frá Frakklandi, hóf titilvörnina sína frekar illa en hann lék á 73 höggum eða einu yfir pari.

Bein útsending frá öðrum hring hefst á Golfstöðinni klukkan 07:00 í fyrramálið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira