Fótbolti

Lewandowski afgreiddi Hamburg

Tómas Þór Þórðarson skrifar
vísir/getty

Þýskalandsmeistarar Bayern München hófu seinni hluta tímabilsins með sigri í kvöld, en þeir lögðu Hamburg SV á útivelli, 2-1.

Þýska 1. deildin fór aftur af stað í kvöld eftir vetrarfrí og var leikurinn í beinni útsendingu á Stöð 2 Sport HD, en þýski boltinn er kominn yfir til 365.

Pólski framherjinn Robert Lewandowski hefur verið í miklum ham í vetur og skoraði hann fyrsta markið úr vítaspyrnu á 37. mínútu úr víti, 1-0.

Xabi Alonso varð fyrir því óláni að jafna metin fyrir heimamenn í Hamburg þegar hann skoraði sjálfsmark á 53. mínútu, en Lewandowski kom meisturunum til bjargar.

Pólski framherjinn skoraði sigurmarkið á 61. mínútu eftir undirbúning Thomas Müller, 2-1. Markið var hans 16. á leiktíðinni í deildinni.

Bayern vann þar með sinn þriðja leik í röð í deildinni og er með ellefu stiga forskot á Dortmund sem mætir Mönchengladbach í beinni útsendingu á Stöð 2 Sport HD á morgun.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira