Fótbolti

Ísland kveður með heimaleik gegn Liechtenstein

Ingvi Þór Sæmundsson skrifar
Gylfi Þór Sigurðsson og félagar kveðja landann á Laugardalsvelli 6. júní næstkomandi.
Gylfi Þór Sigurðsson og félagar kveðja landann á Laugardalsvelli 6. júní næstkomandi. vísir/vilhelm

Íslenska karlalandsliðið í knattspyrnu mætir Liechtenstein í vináttulandsleik á Laugardalsvelli 6. júní næstkomandi.

Þetta verður síðasti leikur íslenska liðsins fyrir EM í Frakklandi en strákarnir fá þarna tækifæri til að kveðja stuðningsmenn Íslands áður en þeir halda út. Fyrsti leikur Íslands á EM er svo gegn Portúgal 14. júní.

Þetta er jafnframt fyrsti leikur Íslands á Laugardalsvelli síðan liðið gerði 2-2 jafntefli við Lettland 10. október síðastliðinn.

Ísland á eftir að leika fimm vináttulandsleiki áður en EM hefst eins og sjá má hér fyrir neðan.

Leikir íslenska landsliðsins fram að EM í Frakklandi:
31. janúar: Bandaríkin - Ísland
24. mars: Danmörk - Ísland
29. mars: Grikkland - Ísland
1. júní: Noregur - Ísland
6. júní: Ísland - Liechtenstein



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira