Sport

Hafdís með nýtt Íslandsmet í langstökki | Aníta tryggði sig inn á HM innanhúss

Ingvi Þór Sæmundsson skrifar
Hafdís bætti eigið Íslandsmet í dag.
Hafdís bætti eigið Íslandsmet í dag. vísir/daníel

Hafdís Sigurðardóttir setti nýtt Íslandsmet í langstökki á Reykjavíkurleikunum í Laugardalnum í dag.

Hafdís stökk 6,54 metra og bætti sitt eigið Íslandsmet um 0,08 metra.

Aníta Hinriksdóttir gerði einnig góða hluti í dag en hún bar sigur úr býtum í 800 metra hlaupi.

Aníta kom í mark á 2:02,47 mínútum og náði þar með lágmarki fyrir HM innanhúss í mars.




Fleiri fréttir

Sjá meira