Sport

Hjörtur Már með nýtt Íslandsmet

Ingvi Þór Sæmundsson skrifar
Hjörtur Már ánægður með Íslandsmetið.
Hjörtur Már ánægður með Íslandsmetið. mynd/jón björn ólafsson

Hjörtur Már Ingvarsson, úr Íþróttafélaginu Firði, gerði sér lítið fyrir og setti Íslandsmet í 100 metra baksundi í flokki S6 á Reykjavíkurleikunum í dag. Hjörtur kom í bakkann á 1:46,04 mínútum. Sannarlega glæsilegur árangur hjá honum.

Sundkeppnin fór fram í Laugardalslauginni og tóku 62 sundmenn frá níu félögum þátt.

Jón Margeir Sverrisson, Fjölni, var stigahæsti sundmaður mótsins en hann fékk 930 stig í 100 metra skriðsundi.

Jón Margeir tók einnig þátt í sundkeppni ófatlaðra í gær þar sem hann varð í 4. sæti í 1500 metra skriðsundi á tímanum 17:16,07.

Jón Margeir átti einnig sjötta besta tímann, 33:08, í undanrásum í 50 metra bringusundi. Báðir eru tímarnir ný Íslandsmet í S14 flokki fatlaðra sundmanna.

Það var mikið um dýrðir í Laugardalslauginni í dag. mynd/jón björn ólafsson
Jón Margeir var í miklu stuði. mynd/jón björn ólafsson
Hjörtur Már eftir að hafa sett Íslandsmetið sitt. mynd/jón björn ólafsson


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira