Fótbolti

Sverrir og félagar hársbreidd frá sigri

Ingvi Þór Sæmundsson skrifar
Sverrir Ingi með augun á boltanum.
Sverrir Ingi með augun á boltanum. vísir/afp

Sverrir Ingi Ingason lék allan leikinn í miðri vörn Lokeren sem gerði 1-1 jafntefli við Mouscron Peruweiz á útivelli í belgísku úrvalsdeildinni í fótbolta í kvöld.

Sverrir og félagar voru nálægt því að krækja í öll stigin þrjú en Fejsal Mulic jafnaði metin fyrir Mouscron tveimur mínútum fyrir leikslok.

Stigið skilar Lokeren þó upp í 9. sæti deildarinnar en liðið hefur gert jafntefli í fjórum af síðustu sex deildarleikjum sínum.

Sverrir er fastamaður hjá Lokeren en hann hefur leikið 21 af 23 deildarleikjum liðsins á tímabilinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira