Erlent

Bloomberg íhugar óháð forsetaframboð

Aðalsteinn Kjartansson skrifar
Fyrrverandi borgarstjóri New York borgar er sagður tilbúinn að leggja milljarð dollara í framboðið.
Fyrrverandi borgarstjóri New York borgar er sagður tilbúinn að leggja milljarð dollara í framboðið. Vísir/EPA

Milljarðamæringurinn Michael Bloomberg íhugar nú alvarlega að bjóða sig fram til forseta Bandaríkjanna í komandi forsetakosningum. Frá þessu greinir New York Times og vitnar í nafnlausann heimildarmann.

Donald Trump, sem einnig er milljarðamæringur, leiðir í forvali Repúblikanaflokksins. Vísir/Getty Images

Bloomberg er fyrrverandi borgarstjóri New York borgar, þar sem hann náði kjöri sem óháður frambjóðandi. Hann er þó fyrrverandi meðlimur í bæði Repúblikanaflokknum og Demókrataflokknum en hann hefur aldrei verið kjörinn fulltrúi sem Demókrati.

Samkvæmt New York Times lét Bloomberg gera könnun á síðasta ári hvar hann stæði gagnvart þeim Donald Trump, sem leiðir í forvali Repúblikanaflokksins, og Hillary Clinton, sem er líklegust til að hljóta útnefningu Demókrata.

Bloomberg er einnig sagður tilbúinn að setja milljarð dollara, jafnvirði 113 milljarða íslenskra króna, af eigin peningum í kosningabaráttuna. 

Sjálfur hefur borgarstjórinn fyrrverandi ekki tjáð sig um málið ennþá en það hafa starfsmenn hans gert og staðfest að hann sé jákvæður fyrir framboði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira