Erlent

Átján látnir í tengslum við veðrið vestanhafs

Aðalsteinn Kjartansson skrifar
Samgöngur hafa lamast víða á austurströnd Bandaríkjanna.
Samgöngur hafa lamast víða á austurströnd Bandaríkjanna. Vísir/EPA

Hríðarbylurinn sem gengið hefur yfir austurströnd Bandaríkjanna hefur lamað samgöngur bæði á landi og í lofti undanfarinn sólarhring.

Ferðabann er í gildi í New York, þar sem aðeins einu sinni áður hefur fallið meiri snjór, en búist er við að því verði aflétt í dag. Allt að 102 sentimetra þykkur snjór liggur yfir borgum á svæðinu.

Talið er að dauða átján einstaklinga frá því á föstudag megi rekja til bylsins, bæði vegna umferðarslysa og vegna snjómoksturs. Auk þess hefur rafmagn dottið út hjá yfir 200 þúsund manns.

Neyðarástandi var lýst yfir í ellefu ríkjum; New York, Tennessee, Georgia, Kentucky, North Carolina, New Jersey, Virginia, West Virginia, Maryland, Pennsylvania og Washington D.C.

Hríðarbylurinn er nú á leið út á Atlantshaf og því að rofa til á austurströndinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira