Fótbolti

Mikilvægur sigur hjá Ólafi Inga og félögum

Ólafur Ingi í leik með Genclerbirligi.
Ólafur Ingi í leik með Genclerbirligi. vísir/afp

Ólafur Ingi Skúlason og félagar í Genclerbirligi unnu sinn fimmta sigur í tyrknesku úrvalsdeildinni í knattspyrnu í dag þegar liðið vann 1-0 sig á Antalyaspor í nítjándu umferð deildarinnar.

Ólafur Ingi lék allan tímann á miðjunni hjá Genclerbirligi, en mikið hefur gengið á hjá félaginu. Þetta var fimmti sigur liðsins, en þeir sitja í fimmtánda sætinu með nítján stig, fimm stigum frá fallsæti.

Sjá einnig: Þjálfari Ólafs Inga rekinn eftir einn leik: Lét okkur spila 2-4-4

Eina mark leiksins kom á sextándu mínútu, en það gerði Ante Kulusic fyrir Genclerbirligi. Í liði Antalyaspor spilaði Samuel Eto'o allan leikinn, en Antalyaspor er í þrettánda sætinu með 21 stig.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira