Enski boltinn

Teixeira vill yfirgefa Shaktar og ganga í raðir Liverpool

Anton Ingi Leifsson skrifar
Teixeira í leik með Shaktar.
Teixeira í leik með Shaktar. vísir/getty

Alex Teixeira, framherja Shaktar Donetsk, hefur gert yfirmönnum sínum hjá Shaktar ljóst að hann vilji yfirgefa félagið og ganga í raðir Liverpool. Þetta herma heimildir Sky Sports.

Heimildir Sky fréttastofunar herma einnig að Liverpool hafi boðið 25 milljónir punda í leikmanninn, en Chelsea er einnig sagt áhugasamt að krækja í kappann.

Phillipe Coutinho og Lucas Leiva eru miklir vinir Texeira og hann er talinn viljugur að ganga í raðir þeirra rauðklæddu frá Bítlaborginni, en sagan segir að hann bíði eftir að fá grænt ljós frá forráðamönnum Shaktar.

Þessi 26 ára gamli Brasilíumaður hefur verið frábær fyrir Shaktar á tímabilinu; skorað 22 mörk í einungis sextán leikjum, en Shaktar er á toppi úrvalsdeildarinnar.

Teixeira, sem er nú með Shaktar í æfingarbúðum á Florida, er samningsbundinn Shaktar til júní 2018.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira