Sport

Sjáðu Cam "dabba“ alla leið í Super Bowl

Cam Newton, leikstjórnandi Carolina Panthers, var aðalmaðurinn í sigri Carolina Panthers sem tryggði sér sæti í Super Bowl í NFL-deildinni í gær.

Carolina vann stórsigur á Arizona Cardinals í úrslitaleik Þjóðardeildarinnar, 49-15, þar sem Newton skoraði sjálfur tvö snertimörk og kastaði fyrir tveimur öðrum.

Sjá einnig: Cam Newton og Peyton Manning mætast í Súper Bowl 2016

Newton lék á als oddi í leiknum í gær, bæði með frammistöðu sinni og fagnaðarlátum. Hann hefur gert „dab“-hreyfinguna að sinni og er hún orðið aðalmerki hans í hvert sinn sem hann skorar snertimark, líkt og sjá má í meðfylgjandi myndbandi.

Super Bowl fer fram sunnudaginn 7. febrúar og þar mun Carolina mæta hinum þaulreynda Peyton Manning og hans mönnum í Denver Broncos. Denver er eitt allra besta varnarlið deildarinnar og verður afar áhugavert að sjá hvernig Newton mun spjara sig í leiknum.

NFL


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira