Körfubolti

Öruggt hjá Val og Grindavík | Myndir

Eiríkur Stefán Ásgeirsson skrifar
Vísir/Anton

Þrír leikir fóru fram í Domino's-deild kvenna í kvöld en Haukar jöfnuðu Snæfellinga að stigum með öruggum sigri á Keflavík, eins og fjallað var um fyrr í kvöld.

Grindavík og Valur unnu einnig sigra í sínum leikjum í kvöld. Grindavík hafði betur gegn Stjörnunni í Ásgarði þar sem Whitney Frazier skoraði 30 stig fyrir Grindvíkinga. Adrienne Godbold skoraði 22 stig fyrir nýliða Stjörnunnar.

Valskonur lentu ekki í vandræðu með botnlið Hamars og unnu öruggan sigur, 83-47. Hvergerðingar gáfu verulega eftir í síðari hálfleik og skoruðu aðeins eitt stig í fjórða leikhluta.

Karisma Chapman skoraði 21 stig fyrir Val en stigahæst hjá Hamri var Íris Ásgeirsdóttir með sextán stig.

Anton Brink, ljósmyndari 365, fór í Ásgarð í kvöld og tók meðfylgjandi myndir.

Valur, Keflavík og Grindavík eru öll með sextán stig í 3.-5. sæti deildarinnar en Stjarnan kemur svo með sex stig og Hamar 2. Snæfell og Haukar eru efst með 26 stig.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira