Handbolti

Vil þakka Jesús vini mínum

Henry Birgir Gunnarsson skrifar
Zeljko Babic á hliðarlínunni.
Zeljko Babic á hliðarlínunni. vísir/getty

Króatar eru eðlilega í skýjunum eftir sigurinn ótrúlega gegn Póllandi í gær sem skaut Króötum í undanúrslit á EM.

Króatar slátruðu Pólverjum, 37-23, og þessi risasigur fleytti þeim í undanúrslitin. Fáir sáu þetta fyrir.

„Þetta var kraftaverkið frá Medjugorje,“ sagði þjálfari Króata, Zeljko Babic, eftir leik en Medjugorje er þekktur staður hjá trúuðum í Balkan-löndunum.

„Ég vil þakka vini mínum Jesús fyrir þetta. Ég vona að hann fyrirgefi mér fyrir skort á trú fyrir leikinn. Það er virkilega gaman að vinna á þennan hátt. Það skilur enginn hvað gerðist hjá Pólverjunum. Við vorum sterkir í hausnum, spiluðum góða vörn og fengum flotta markvörslu.

„Svona eru íþróttir. Ég trúði ekki á kraftaverk en við unnum. Ég myndi samt aldrei veðja gegn Jesús. Aldrei!“

Króatar munu spila gegn Spánverjum í undanúrslitunum en hinn undanúrslitaleikurinn er á milli Noregs og Þýskalands.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira