Innlent

Vélarvana í togi á leið til Njarðvíkur

sunna karen sigurþórsdóttir skrifar
Björgunarskipið Hannes Þ. Hafstein
Björgunarskipið Hannes Þ. Hafstein vísir/

Björgunarskipið Hannes Þ. Hafstein frá Sandgerði var kallað út á sjötta tímanum í dag þegar tilkynning barst um vélarvana bát við innsiglinguna í Sandgerðishöfn. Tveir skipverjar eru um borð.

Bjargir voru kallaðar út á fyrsta forgangi en fljótlega kom í ljós að bilaði báturinn var um sjómílu utar og því ekki eins mikil hætta á ferðum og fyrst var talið, að því er segir í tilkynningu frá Landsbjörg.

Nærstaddur bátur var fyrstur á staðinn og reyndi að koma taug á milli en tókst ekki. Um hálfri klukkustund eftir að útkallið barst var björgunarskipið komið með vélarvana bátinn í tog og siglir nú með hann til hafnar í Njarðvík.

Gert er ráð fyrir að siglingin taki tvo til þrjá tíma. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira