Enski boltinn

De Bruyne frá í tíu vikur

Eiríkur Stefán Ásgeirsson skrifar
Vísir/Getty

Kevin De Bruyne fékk að vita í kvöld að hann verður frá næstu tíu vikurnar vegna hnémeiðslanna sem hann varð fyrir í leik Manchester City og Everton í undanúrslitum ensku deildabikarkeppninnar í gær.

„Var að koma frá sérfræðingnum sem sagði að ég verði frá í um tíu vikur,“ skrifaði De Bruyne á Twitter-síðuna sína í kvöld.

Það hefði þó getað farið verr en margir óttuðust í gær að hann væri með slitið krossband sem hefði þýtt að hann myndi ekki spila meira á tímabilinu og missa af EM í sumar.

„Ég mun leggja hart að mér í endurhæfingunni og vonast til að snúa aftur eins fljótt og ég get,“ skrifaði hann enn fremur.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira