Fótbolti

Selfosskonur Íslandsmeistarar í futsal

Óskar Ófeigur Jónsson skrifar
Dagný Brynjarsdóttir vann sinn fyrsta titil með Selfossi í dag.
Dagný Brynjarsdóttir vann sinn fyrsta titil með Selfossi í dag. Vísir/Anton

Selfoss varð í dag Íslandsmeistari í futsal kvenna eftir 7-4 sigur á Álftanesi í úrslitaleik í Laugardalshöllinni.

Selfoss komst í 2-0 og 4-2 í úrslitaleiknum en Álftanes jafnaði í 2-2. Selfoss var síðan 4-3 yfir í hálfleik.

Álftanes-liðið jafnaði metin aftur í 4-4 en Selfosskonur skoruðu þrjú síðustu mörkin í leikin og tryggðu sér sigur.

Eva Lind Elíasdóttir skoraði tvö mörk fyrir Selfossliðið og þær Erna Guðjónsdóttir, Hrafnhildur Hauksdóttir og Dagný Brynjarsdóttir komust einnig á blað.

Oddný Sigurbergsdóttir skoraði öll fjögur mörk Álftanesliðsins en það dugði ekki til.

Þetta er í fyrsta sinn sem Selfoss verður Íslandsmeistari í futsal kvenna. Guðmunda Brynja Óladóttir, fyrirliði Selfoss-liðsins tók við Íslandsmeistarabikarnum eftir leikinn.

Guðmunda Brynja Óladóttir, fyrirliði Selfoss-liðsins tók við Íslandsmeistarabikarnum eftir leikinn. Mynd/Sporttv


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira