Handbolti

Noregur með nauman sigur á Katar

Anton Ingi Leifsson skrifar
Úr leik Norðmanna og Dana í gær.
Úr leik Norðmanna og Dana í gær. vísir/afp

Noregur vann Katar 26-25 á Gullmótinu í Frakklandi, æfingarmóti fjögurra þjóða fyrir EM í Póllandi, en Ísland er einmitt með Noregi í riðli á Evrópumótinu sem hefst á föstudaginn.

Norðmenn voru einu marki undir í hálfleik, 12-11, en þeir höfðu tapað fyrstu tveimur leikjum sínum í mótinu gegn Frakklandi og Danmörku. Þeir spýttu í lófann í síðari hálfleik og unnu að lokum, 26-25.

Ísland og Noregur mætast í fyrsta leik liðanna á Evrópumótinu í Póllandi á föstudag, en þetta var síðasti liður þjóðanna í undirbúningi fyrir EM.

Hvíta-Rússland, sem einnig er með íslenska liðinu í riðli á EM, gerði jafntefli, 28-28, við Rússland í æfingarleik í dag.

Hvít-Rússar gerðu einnig jafntefli í gær, en þá gerðu þeir jafntefli við Holland, 34-34. Þetta var því annað jafntefli Hvíta-Rússlands á tveimur dögum.

Rússar voru sterkari aðilinn í fyrri hálfleik og leiddu 16-12 í hálfleik. Í síðari hálfleik fóru hins vegar Hvít-Rússar í gang og lokatölur urðu 28-28.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira