Enski boltinn

Afobe til Bournemouth á metfé

Anton Ingi Leifsson skrifar
Benik Afobe er mættur til nýliða Bournemouth.
Benik Afobe er mættur til nýliða Bournemouth. vísir/getty

Benik Afobe er genginn í raðir nýliða Bournemouth í ensku úrvalsdeildinni í knattspyrnu í dag, en Afobe kemur frá Wolves þar sem hann hefur raðað inn mörkum.

Afobe, sem er uppalinn hjá Arsenal, hefur skorað 23 mörk mörk í 48 leikjum í ensku B-deildinni. Hann er annar leikmaðurinn sem nýliðarnir fá í glugganum, en áður hafði Juan Iturbe gengið í raðir liðsins frá Roma.

Eddie Howie segir að Afobe komi með styrk, hraða og vonandi mörk, en Howie missti aðalframherja sinn, Callum Wilson, og vængmanninn Max Gradel í langtímameiðsli fyrr á tímabilinu.

Þetta er mesta fjárhæð sem Bournemouth hefur borgað fyrir leikmann, en áður höfðu þeir borgað 8 milljónir punda fyrir Tyrone Mings varnarmann Ipswich síðasta sumar. Hann meiddist einnig og verður frá í lengri tíma.

Wolves hafnaði boði Norwich í Afobe í sumar, en með trega urðu þeir að samþykkja þetta boð þar sem ekkert annað var í stöðinni segir í yfirlýsingu frá Wolves.

Bournemouth er í 16. sæti deildarinnar með 21 stig, fjórum stigum fyrir ofan Newcastle sem er í fallsæti, átjánda sæti.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira