Fótbolti

Níundi sigurleikur Juventus í röð í deildinni

Anton Ingi Leifsson skrifar
Juventus fagna marki í kvöld.
Juventus fagna marki í kvöld. vísir/getty

Juventus vann sinn níunda leik í röð í ítölsku úrvalsdeildinni í knattspyrnu er liðið lagði Sampdoria að velli á Silvio Mazzoleni leikvanginum í Sampdoria. Lokatölur 2-1.

Paul Pogba kom Juventus yfir á sautjándu mínútu eftir undirbúning Leonardo Bonucci og staðan var þannig í hálfleik.

Sami Khedira kom svo Juventus í 2-0 strax á fyrstu mínútu síðari hálfleiks, en þá var það Paulo Dybala sem var arkitektinn.

Ítalski markahrókurinn Antonio Cassano minnkaði muninn á 64. mínútu, en nær komust heimamenn í Sampdoria ekki og níundi deildarsigur Juventus í röð staðreynd.

Juventus er nú komið í annað sætið með 39 stig, tveimur stigum á eftir toppliði Napoli, en Juventus byrjaði tímabilið hörmulega. Sampdoria er í þrettánda sætinu með 23 stig.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira