Enski boltinn

FH sendi Belenenses gagntilboð

Eiríkur Stefán Ásgeirsson skrifar
Emil Pálsson í leik með FH.
Emil Pálsson í leik með FH. Vísir/Andri Marinó

Það gæti ráðist á næstu dögum hvort að Emil Pálsson fari til portúgalska félagsins Belenenses á láni frá Íslandsmeisturum FH.

Eins og greint var frá um helgina hefur portúgalska liðið áhuga á að fá Emil að láni með þeim möguleika á að kaupa hann síðar.

Sjá einnig: Úrvalsdeildarlið í Portúgal vill fá Emil Pálsson

Birgir Jóhannsson, framkvæmdastjóri FH, segir að málið sé enn á frumstigi en að félagið hafi sent Belenenses gagntilboð.

„Það er of snemmt að segja hvort að félögin muni ná saman en ég held að þetta muni gerast hratt ef af þessu verður. Það verður bara að koma í ljós hvort að það gerist,“ sagði Birgir í samtali við Vísi í dag.

Emil Pálsson var valinn besti leikmaður Pepsi-deildar karla en hann var frábær í sumar, fyrst sem lánsmaður hjá Fjölni og svo FH í síðari hluta mótsins. Hann skoraði eitt mark í níu leikjum með Fjölni og svo sex mörk í tólf leikjum með FH.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira