Sport

Ryan-tvíburarnir sameinaðir í Buffalo

Henry Birgir Gunnarsson skrifar
Rex er hér til vinstri og Rob til hægri.
Rex er hér til vinstri og Rob til hægri. vísir/getty

Rex Ryan, þjálfari Buffalo Bills, lét það verða sitt fyrsta verk eftir tímabilið að ráða tvíburabróður sinn, Rob, sem þjálfara hjá félaginu.

Rob verður aðstoðarþjálfari varnarinnar en hann var varnarþjálfari New Orleans Saints framan af vetri en var svo rekinn.

„Ég er mjög spenntur fyrir því að fá Rob í þjálfaraliðið okkar og ég held að hann eigi eftir að reynast okkur mjög vel,“ sagði Rex en það verður mjög áhugavert að sjá þá bræður saman á hliðarlínunni enda báðir skrautlegir karakterar.

Þeir unnu síðast saman árið 1995 er þeir voru aðstoðarþjálfarar hjá Arizona Cardinals sem þá var þjálfað af föður þeirra, Buddy Ryan.

NFL



Fleiri fréttir

Sjá meira