Fótbolti

Guardiola bað stjórana í Englandi afsökunar

Eiríkur Stefán Ásgeirsson skrifar
Vísir/Getty

Pep Guardiola hefur beðist afsökunar á að ummæli hans hafi mögulega sett þrýsting á knattspyrnustjóra ensku úrvalsdeildarinnar.

Guardiola tilkynnti á dögunum að hann myndi fara frá Bayern München í sumar og að hann hefði áhuga á að starfa í ensku deildinni.

Spánverjinn vildi ekki segja til hvaða liðs hann vildi fara og hefur verið orðaður við bæði Manchester-liðin, Arsenal og Chelsea.

Alan Shearer, fyrrum landsliðsframherji Englands, skrifaði nýlega í pistli að Guardiola skorti siðferði.

„Ég biðst afsökunar. Ég ber alltaf mikla virðingu fyrir starfsfélögum mínum - ég gerði það sem leikmaður og geri það sem þjálfari. Þetta var ekki ætlunin hjá mér,“ sagði Guardiola.

„Ég mun greina frá því hvaða lið ég tek við þegar ég hef skrifað undir samning,“ sagði Guardiola.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira