Enski boltinn

Origi enn lengur frá

Eiríkur Stefán Ásgeirsson skrifar
Divock Origi spilar ekki næstu vikurnar.
Divock Origi spilar ekki næstu vikurnar. Vísir/Getty

Meiðslavandræði Liverpool aukast enn en framherjinn Divock Origi verður frá næsta mánuðinn eftir að hafa gengist undir aðgerð á hné.

Origi hefur ekkert getað spilað síðan um jólin en þá meiddist hann aftan í læri, er Liverpool vann 1-0 sigur á Leicester.

Upphaflega var stefnt að því að hann myndi vera klár í þessari viku en Liverpool mætir Arsenal á morgun og svo Manchester United um helgina.

Mikil meiðslavandræði eru í herbúðum Liverpool þessa stundina en framherjarnir Danny Ings og Daniel Sturridge eru báðir frá. Ings spilar ekki meira á tímabilinu og Sturridge nær ekki leiknum gegn Arsenal á morgun, að minnsta kosti.

Þetta þýðir að Christian Benteke er eini hreinræktaði framherji Liverpool sem er leikfær fyrir morgundaginn en Jürgen Klopp, stjóri liðsins, gæti einnig notað Roberto Firmino í fremstu víglínu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira