Viðskipti innlent

Starfsmenn Icelandair fá 150 þúsund króna bónusgreiðslu

Kolbeinn Tumi Daðason skrifar
Björgólfur Jóhannsson, forstjóri Icelandair Group.
Björgólfur Jóhannsson, forstjóri Icelandair Group. Vísir/GVA

Björgólfur Jóhannsson, forstjóri Icelandair group sem á og rekur flugfélagið Icelandair, hefur tilkynnt samstarfsfólki sínu að það eigi von á 150 þúsund króna umbun vegna góðs reksturs félagsins undanfarin ár. Þetta kemur fram í tölvupósti sem Björgólfur sendi starfsmönnunum í morgun.

Forstjórinn segir að allir þeir sem starfað hafi hjá fyrirtækinu í fyrra í að lágmarki hálft ár fái bónusinn en greitt verði í samræmi við starfshlutfall. 

Sjá einnig: Jólagjafir bankanna og annarra fyrirtækja

„Það er von okkar að þessi greiðsla fyrir vel unnin störf og góðan árangur verði hvatning til að gera enn betur á komandi misserum,“ segir í bréfi Björgólfs til starfsmanna.

Í umfjöllun Markaðarins í nóvember kom fram að um 4000 manns starfa hjá Icelandair eða tvöfalt meiri en eftir uppsagnir í kjölfar hruns bankanna á haustmánuðum 2008. 
 


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira