Enski boltinn

Alli hjá Tottenham til 2021

Eiríkur Stefán Ásgeirsson skrifar
Dele Alli fagnar marki í leik með Tottenham.
Dele Alli fagnar marki í leik með Tottenham. Vísir/Getty

Enski landsliðsmaðurinn Dele Alli skrifaði í dag undir nýjan samning við Tottenham sem gildir til 2021.

Alli er aðeins nítján ára gamall en félagið keypti hann frá MK Dons fyrir tæpu ári síðan. Hann kláraði tímabilið hjá MK Dons sem lánsamaður en hefur verið einn af bestu leikmönnum Tottenham í haust og unnið sér sæti í enska landsliðinu.

Hann hefur skorað fimm mörk í átján úrvalsdeildarleikjum með Tottenham og spilaði sinn fyrsta landsleik þegar hann kom inn á sem varamaður gegn Eistlandi í október.

„Félagið hefur reynst mér frábærlega frá fyrsta degi,“ sagði Alli í viðtali sem birtist á heimasíðu Tottenham.

„Við erum með frábært ungt lið og ég er virkilega ánægður með að vera hér. Ég hef sýnt hvað ég get gert og fest mig í sessi sem úrvalsdeildarleikmaður. Ég er samt bara nítján ára og á enn heilmikið ólært,“ sagði Alli.




Fleiri fréttir

Sjá meira