Handbolti

Alfreð nældi í línumann úr þrotabúi Hamburg

Henry Birgir Gunnarsson skrifar
Brozovic í leik með Hamburg.
Brozovic í leik með Hamburg. vísir/getty

Tveir línumenn hjá meistaraliði Kiel, sem Alfreð Gíslason þjálfar, hafa meiðst í vetur og Alfreð hefur nú brugðist við því.

Kiel er búið að semja við króatíska landsliðsmanninn Ilija Brozovic og kemur hann frá Hamburg sem hefur ekki greitt mönnum laun í þrjá mánuði.

Brozovic er því laus allra mála og kemur strax til Kiel. Hann er búinn að skrifa undir samning fram á sumarið 2017.

Bæði Rene Toft Hansen og Patrick Wiencek eru meiddir hjá Kiel og því ekki vanþörf á nýjum línumanni.

Brozovic, sem er 24 ára, er þess utan löglegur í Meistaradeildinni með Kiel



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira