Fótbolti

Eiður Smári fyrirliði gegn Finnlandi

Eiríkur Stefán Ásgeirsson skrifar
Eiður Smári Guðjohnsen.
Eiður Smári Guðjohnsen. Vísir/Getty

Eiður Smári Guðjohnsen verður fyrirliði íslenska landsliðsins sem mætir Finnlandi í æfingaleik í Abú Dabí í dag.

Þetta er fyrri æfingaleikurinn af tveimur í Sameinuðu arabísku furstadæmunum en Ísland mætir heimamönnum á laugardaginn.

Þjálfararnir Lars Lagerbäck og Heimir Hallgrímsson hafa tilkynnt byrjunarlið sitt fyrir leikinn í dag og er Eiður Smári á miðjunni með Rúnari Má Sigurjónssyni í leikkerfinu 4-4-2.

Garðar Gunnlaugsson og Viðar Örn Kjartansson spila í fremstu víglínu og þá er Gunnleifur Gunleifsson í markinu.

Byrjunarliðið er þannig skipað en leikurinn hefst klukkan 16.00 í dag:

Markvörður: Gunnleifur Gunnleifsson

Hægri bakvörður: Haukur Heiðar Hauksson

Vinstri bakvörður: Hjörtur Logi Valgarðsson

Miðverðir: Ragnar Sigurðsson og Sölvi Geir Ottesen

Miðjumenn: Eiður Smári Guðjohnsen (fyrirliði) og Rúnar Már Sigurjónsson

Hægri kantmaður: Theodór Elmar Bjarnason

Vinstri kantmaður: Arnór Ingvi Traustason

Framherjar: Garðar Bergmann Gunnlaugsson og Viðar Örn Kjartansson



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira