Innlent

Ánægð með að nýja íbúðin sé í göngufæri við Landspítalann

Sunna Kristín Hilmarsdóttir skrifar

Pepaj-fjölskyldan var að vonum alsæl í morgun þegar hún kom í fyrsta skipti í nýja íbúð sína í miðbæ Reykjavíkur. Fjölskyldan er önnur tveggja albanskra fjölskyldna sem fengu íslenskan ríkisborgararétt í desember síðastliðnum og komu til landsins í gær.

Í fjölskyldunni eru tvö börn, þau Klea, fimm ára, og Kevi, þriggja ára. Bæði eru þau komin á leikskóla í hverfinu en fjölskyldan flytur inn á næstu dögum. Í millitíðinni dvelja þau á hóteli í borginni.

Kevi litli glímir við ólæknandi slímseigjusjúkdóm og þarf því reglulega að leita til læknis. Fjölskyldan er því ánægð með að vera í göngufæri við Landspítalann.

Í klippunni hér að ofan má sjá þegar fjölskyldan kom í íbúðina í morgun en rætt verður við þau í fréttum Stöðvar 2 í kvöld.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira