Innlent

RÚV biðst afsökunar á Stundarskaupinu

Sunna Kristín Hilmarsdóttir skrifar
Svona birtust þeir Sigmundur Davíð Gunnlaugsson og Bjarni Benediktsson í Stundarskaupinu.
Svona birtust þeir Sigmundur Davíð Gunnlaugsson og Bjarni Benediktsson í Stundarskaupinu. vísir

Skarphéðinn Guðmundsson, dagskrárstjóri Sjónvarpsins, hefur beðist afsökunar fyrir hönd RÚV á Stundarskaupinu sem sýnt var á gamlársdag en um áramótaþátt Stundarinnar okkar var að ræða.

Stundarskaupið vakti mikla athygli, ekki síst fyrir þær sakir að einhverjum fannst þar illa vegið að Sigmundi Davíð Gunnlaugssyni, forsætisráðherra, og Bjarna Benediktssyni, fjármálaráðherra. Elín Hirst, þingmaður Sjálfstæðisflokksins, og Karl Garðarsson, þingmaður Framsóknarflokksins, sökuðu meðal annars Stundina okkar um að bera á borð pólitískan áróður í þættinum og kröfðust svara frá RÚV í aðendri grein í Fréttablaðinu í dag.

Í afsökunarbeiðninni, sem birt er á Facebook-síðu RÚV, segir meðal annars:

„Í fyrra (2014) var boðið upp á skemmtilega nýjung með áramótagríni sem ætlað var fjölskyldunni allri og var það nefnt Stundarskaupið. Það sló í gegn og mæltist afar vel fyrir. Í Stundarskaupinu 2015 var atriði sem er ekki í samræmi við þá ritstjórnarlínu sem við höfum fylgt varðandi barna- og fjölskylduefni. Full ástæða er til að biðjast afsökunar á því. Ég og umsjónarmenn Stundarinnar okkar erum sammála um að barnaefni er ekki og á ekki að vera vettvangur pólitískrar ádeilu og það hefur ekki breyst.“


Árétting frá dagskrárstjóra Sjónvarps:"Að gefnu tilefni. Við fólum einhverjum færustu stjórnendum og framleiðendum...

Posted by RÚV on Wednesday, 13 January 2016

Þá hefur Guðjón Davíð Karlsson, leikari og umsjónarmaður Stundarinnar okkar, sem var einn af handritshöfundum Stundarskaupsins, einnig birt færslu á Facebook-síðu sinni þar sem hann bregst við þeirri gagnrýni sem sett hefur verið fram á þáttinn:

„Að gefnu tilefni vil ég taka fram að ætlun okkar sem stóðum að Stundarskaupinu var að bjóða upp á grín sem átti ekki að særa neinn. Mér þykir mjög fyrir því að efnistök í einu atriði skaupsins hafi farið fyrir brjóstið á einhverjum.

Það ætti að vera öllum ljóst sem fylgst hafa með Stundinni okkar síðan við Bragi tókum við henni, fyrir nálægt þremur árum, að við berum mikla virðingu fyrir börnum og fjölskyldum þeirra. Við stefnum að því að halda því áfram. Fræða og gleðja.“

Að gefnu tilefni vil ég taka fram að ætlun okkar sem stóðum að Stundarskaupinu var að bjóða upp á grín sem átti ekki að...

Posted by Gói Karlsson on Wednesday, 13 January 2016

Tengdar fréttir

Friðhelgin rofin

Börnin læra það sem fyrir þeim er haft. Fram til þessa hefur ríkt samstaða um það að stjórnmálasamtök stundi ekki pólitískan áróður gegn börnum í gegnum stofnanir ríkisins.

Stjórnarþingmenn saka Stundina okkar um pólitískan áróður

Karl Garðarsson, þingmaður Framsóknarflokksins, og Elín Hirst, þingmaður Sjálfstæðisflokksins, segja pólitískan áróður hafa verið borinn á borð fyrir börn í Stundarskaupinu á gamlársdag en um er að ræða áramótaþátt Stundarinnar okkar.




Fleiri fréttir

Sjá meira