Körfubolti

Þristur frá Jakobi gulltryggði sigurinn í Póllandi

Óskar Ófeigur Jónsson skrifar
Jakob Sigurðarson.
Jakob Sigurðarson. Vísir/Andri Marinó

Jakob Sigurðarson og félagar hans í sænska liðinu Borås Basket unnu í kvöld sinn fyrsta sigur í riðlakeppni 32 liða úrslita FIBA Europe bikarsins.

Borås Basket liðið hafði tapað tveimur fyrstu leikjum sínum en vann fimm stiga sigur á pólska liðinu Slask Wroclaw í kvöld, 86-81. Slask Wroclaw hafði eins og Borås tapað tveimur fyrstu leikjum sínum í riðlinum.

Þetta var einni fyrsti útisigur Borås-liðsins í Evrópukeppninni síðan að liðið sótti sigur til Austurríkis í byrjun nóvember.

Jakob skoraði tólf stig í leiknum í kvöld en hann hitti úr 4 af 9 skotum sínum utan af velli og lék í rúmar 29 mínútur. Þriðji þristur Jakobs í leiknum kom Borås tíu stigum yfir, 86-76, þegar 65 sekúndur voru eftir af leiknum.

Jakob var þriðji stigahæstur há Borås-liðinu í leiknum en aðeins þeir Omar Krayem (22 stig) og Christian Maraker (14 stig, 14 fráköst), skoruðu meira. Jakob  nýtti 3 af 4 þriggja stiga skotum sínum í þessum leik

Liðsmenn Slask Wroclaw unnu fyrsta leikhlutann 26-25 og voru þremur stigum yfir í hálfleik, 49-46.

Pólverjarnir voru 67-63 yfir þegar rúm mínúta var eftir af þriðja leikhlutanum en þá tóku við frábærar mínútur fyrir gestina.

Munurinn var eitt stig fyrir lokaleikhlutann, 67-66, en Borås-liðið vann fyrstu átta mínútur fjórða leikhlutans 15-6 og lagði grunninn að sigrinum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira