Enski boltinn

Costa kýldi gat á vegg: Við getum lagað það

Eiríkur Stefán Ásgeirsson skrifar
Costa var reiður í gær.
Costa var reiður í gær. Vísir/Getty

Diego Costa átti greinilega erfitt með að hemja skap sitt eftir 2-2 jafntefli Chelsea og West Brom í ensku úrvalsdeildinni í gær.

Costa náði ekki að skora í leiknum en átti í harðri baráttu við varnarmenn West Brom í leiknum. Costa fannst illa farið með sig og kvartaði við dómara leiksins eftir að flautað hafði verið til leiksloka.

Sjá einnig: Chelsea fékk á sig jöfnunarmark í lokin

Guus Hiddink, stjóri Chelsea, sagði að það hefði lítið verið eftir af þolinmæði hjá Costa. „Miðverðirnir hjá West Brom voru að ögra honum enda var hann [Costa] stöðugt að ógna markinu,“ sagði Hiddink og segir það gott að leikmenn sýni tilfinningar sínar.

„Það er erfitt að komast af í þessari deild ef maður þarf að ýta eitthvað við leikmönnum. Það er miklu betra að þurfa að hafa stjórn á þeim af og til. Hann er tilfinningaríkur maður og ég kann vel við það.“

Costa gekk svo mikið til eftir leik að hann kýldi gat á vegg á leið sinni inn í búningsklefann. „Það er ekkert mál. Við getum lagað það auðveldlega,“ sagði Hiddink.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira