Enski boltinn

Rooney hetja United sem vann Liverpool á Anfield - Sjáðu markið

Stefán Árni Pálsson skrifar
Rooney skorar hér markið í dag.
Rooney skorar hér markið í dag. Vísir/Getty

Manchester United vann frábæran sigur, 1-0, á Liverpool í ensku úrvalsdeildinni í knattspyrnu í dag. Wayne Rooney skoraði eina mark leiksins og var það hans 176. í ensku úrvalsdeildinni fyrir Manchester United. 

Hann sló þar með met Thierry Henry sem skoraði 175 mörk fyrir Arsenal. Liverpool var sterkari aðilinn í fyrri hálfleiknum og fékk liðið nokkuð fín færi.

Í þeim síðari náðu leikmenn United að koma sér betur inn í leikinn og byrjuðu að pressa meira á varnarmenn Liverpool. Það endaði með fínu marki rúmlega tíu mínútum fyrir leikslok. 

Marouane Fellaini átti þá skalla í þverslána sem Rooney nýtti sér og hirti frákastið. Hann þrumaði boltanum í netið og fagnaði eðlilega mikið. 

Manchester United er í 5. sæti deildarinnar með 37 stig en Liverpool í því níunda með 31 stig. 



Rooney kemur United yfir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira