Enski boltinn

Arsenal og Stoke gerðu markalaust jafntefli

Stefán Árni Pálsson skrifar
Úr leiknum í kvöld.
Úr leiknum í kvöld. Vísir/Getty

Arsenal og Stoke gerðu markalaust jafntefli á Britannia-leikvanginum í ensku úrvalsdeildinni í knattspyrnu í kvöld. 

Leikurinn var nokkuð fjörugur og náðu bæði lið að skapa sér hættuleg færi. Heimamenn í Stoke voru sérstaklega hættulegir undir lok leiksins og björguðu leikmenn Arsenal nokkrum sinnum á marklínu. 

Niðurstaðan samt sem áður 0-0 jafntefli en Arsenal komst á toppinn í deildinni með stiginu. Liðið er með 44 stig, jafnmörg stig og Leicester. 

Stoke er í því sjöunda með 33 stig. 
 
 
 



Fleiri fréttir

Sjá meira