Fótbolti

Barcelona slátraði Athletic

Stefán Árni Pálsson skrifar
Neymar að skora í kvöld.
Neymar að skora í kvöld. Vísir/Getty

Barcelona rúllaði yfir Athletic Bilbao, 6-0, í spænsku úrvalsdeildinni í knattspyrnu í kvöld. 

Leikurinn byrjaði ekki vel fyrir Athletic Bilbao en Gorka Iraizoz Moreno fékk beint rautt eftir aðeins fimm mínútna leik. Þá má segja að leikurinn hafi í raun verið búinn.

Luis Suarez skoraði þrjú mörk fyrir heimamenn í Barcelona. Neymar, Ivan Rakitic og Lionel Messi gerði síðan sitt markið hver. 

Barcelona er í öðru sæti deildarinnar með 45 stig, tveimur stigum á eftir Atletico Madrid og á liðið að auki einn leik til góða.  




Fleiri fréttir

Sjá meira