Handbolti

Alexander stoppaði Norðmenn níu sinnum

Óskar Ófeigur Jónsson skrifar
Alexander Petersson fagnar sigri í gærkvöldi.
Alexander Petersson fagnar sigri í gærkvöldi. Vísir/Valli

Alexander Petersson átti flottan leik í vörn íslenska liðsins í sigrinum á Noregi í fyrsta leik liðsins á EM í Póllandi.

Alexander var sá leikmaður í íslenska liðinu sem náði flestum löglegum stoppum í Noregsleiknum eða 9 talsins.

Lögleg stopp eru meðal þess sem er tekið saman í handboltatölfræðinni hjá Hbstatz.is sem er nýtt tölfræðiforrit í íslenskum handbolta.

Hbstatz.is tekur saman tölfræði íslenska liðsins á Evrópumótinu og Vísir hefur fengið leyfi til að sækja upplýsingar í tölfræðikerfið en það kemur með nýja vídd í handboltatölfræði á Íslandi.

Löglegt stopp er þegar leikmaður fær á sig aukakast en sleppur við spjald eða að það sé dæmt á hann víti.  

Guðmundur Hólmar Helgason kom næstur Alexander með 6 stopp og þeir Ásgeir Örn Hallgrímsson og Bjarki Már Gunnarsson náðu 4 stoppum hvor.

Lögleg stopp hjá íslenska liðinu í sigrinum á Noregi:
Alexander Petersson 9
Guðmundur Hólmar Helgason 6
Ásgeir Örn Hallgrímsson 4
Bjarki Már Gunnarsson 4
Arnór Atlason 2
Vignir Svavarsson 2
Aron Pálmarsson 1
Arnór Þór Gunnarsson 1



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira